Nga nesër e gjithë Danimarka do të jetë në bllokim të pjesshëm. Qeveria ka njoftuar se nga nesër kufizimet e koronavirusit, që ishin në fuqi në shumicën e komunave dhe qyteteve të mëdha, do të shtrihen në të gjithë vendin, në përpjekje për të frenuar numrat në rritje të rasteve të reja.
“Koronavirusi ka fituar një terren shumë të fortë në Danimarkë. Shkalla e infeksioneve është shumë e lartë dhe numri i shtrimeve në spital po rritet,” shkroi Ministri i Transportit Benny Engelbrecht në Facebook.
“Ne do të shtrijmë bllokimin e pjesshëm në të gjithë vendin.”
Që nga 7 dhjetori, masat që përfshijnë mbylljen e shkollave, bareve, restoranteve, mjediseve sportive dhe qendrave kulturore kanë qenë në fuqi në kryeqytetin Kopenhagen dhe qytetet më të mëdha të Danimarkës, Aarhus dhe Odense.
Të martën u regjistrua një numër rekord i rasteve të reja ditore, duke e çuar në mbi 116,000 numrin e të infektuarve në vendin e 5.8 milionë banorëve.
Kryebashkiaku i Kopenhagenit Lars Weiss tha në një deklaratë se rritja e infeksioneve ishte e tmerrshme, me 4.3 përqind të testeve pozitive aktualisht, krahasuar me 2.5 përqind në fillim të dhjetorit.
Bllokimi i pjesshëm është planifikuar të zgjasë deri më 3 janar.
