“Lionel Messi do të largohet nga Barcelona nëse nuk pranon uljen e pagës”, deklaratë kjo e bërë nga kandidati për president të klubit blaugranas, Emili Rousaud.
E ardhmja e argjentinasit mbetet një temë e rëndësishme te gjigandët spanjollë pasi kapiteni i tyre i dorëzoi klubit një kërkesë të hapur për tu larguar nga “Camp Nou”.
Rousaud, i cili është në garë për zgjedhjet presidenciale të cilat do të zhvillohen në 24 Janar, diskutoi për të ardhmen e Messit.
“Ne do të duhet të ulemi me Messin dhe t’i kërkojmë atij të bëjë një ulje të pagës së tij të lartë. Ne do t’i kërkojmë atij të bëjë sakrificën. Nëse nuk ka marrëveshje, atëherë Messi do të largohet”.
Rousaud më tej shtoi: “Messi ka shkruar faqet më të shkëlqyera në historinë e klubit. Ne duhet të nderojmë legjendat tona, por realiteti është ai që është.
“Unë besoj se gjërat duhet të thuhen ashtu siç janë. Ne nuk mund t’i mashtrojmë anëtarët tanë. Ne do të bëjmë çdo përpjekje për të siguruar që ai të qëndrojë, por gjithmonë me interesat e klubit së pari.”- ,” tha Rousaud për ARA.
