Një grua në Durrës ka tentuar të vetëdigjet para bashkisë së Durrësit, sipas policisë.
“Në orën 10:10, përpara Bashkisë së Durrësit, shtetasja F.G., rreth 60 vjeçe, mbante një shishe benzinë në dorë dhe dyshohet se kishte për qëllim të vetëdigjej. Shtetasja F.G. është shoqëruar nga shërbimet e Patrullës së Përgjithshme në ambientet e Policisë”, njoftoi policia.
Grupi hetimor dhe shërbimet e Policisë vijojnë punën për zbardhjen e plotë të rrethanave të ngjarjes, shtuan të njëjtat burime.
