Kreu i Bashkisë së Londrës, Sadiq Khan, i bëri thirrje qeverisë që të marrë masa për të mbyllur të gjitha shkollat fillore dhe të mesme në kryeqytet përpara Krishtlindjeve, për shkak të pandemisë së koronavirusit.
Përmes një postimi në rrjetet sociale, Khan gjithashtu kërkoi që shkollat të hapen në fund të janarit për shkak të rritjes së konsiderueshme të rasteve të reja me Covid mes 10 dhe 19-vjeçarëve.
“Testimi i nxënësve duhet të bëhet urgjent”, shtoi ai. Aktualisht, Londra ndodhet në zonën e dytë të sigurisë për shkak të virusit, por mund të kalojë në të tretën që është dhe niveli më i lartë i alarmit.
Për këtë arsye, Khan kërkoi dhe një mbështetje më të madhe për bizneset, pasi masat e reja shtrënguese do të jepnin një goditje katastrofike për to.
