CEO i Pfizer, Albert Bourla deklaroi se nuk ka marrë ende vaksinën kundër koronavirusit, të prodhuar nga kompania e tij.
“Nuk e kam marrë ende vaksinën,” tha Bourla në intervistën e tij të parë që kur vaksina e Pfizer u autorizua nga Administrata e Ushqimit dhe Barnave të SHBA për përdorim urgjent .
Bourla i rekomandoi Qendrës së SHBA-së për Kontrollin dhe Parandalimin e Sëmundjeve që dozat e para të vaksinës t’u shkojnë punonjësve të kujdesit shëndetësor dhe personave që jetojnë në institucione të kujdesit për të moshuar.
“Ka rregulla shumë të rrepta të ndarjes,” tha ai. “Ne jemi shumë të ndjeshëm për të mos e prishur radhën.”, shtoi ai.
Bourla tha po ashtu se do të ketë rreth 1.3 miliardë doza të vaksinës Pfizer/BioNTech të prodhuara globalisht vitin e ardhshëm.
“Këtë vit do të kemi rreth 50 milionë doza në dispozicion, shumica e tyre janë prodhuar tashmë,” tha Bourla.
