Anthony Joshua mbron titullin kampion bote në peshën e rëndë në IBF, WBA, WBO, pasi mposhti bullgarin Kubrat Pulev me Knockout. Britaniku tregoi forcën e tij që në raundin e tretë, ndërkohë që në të nëntin dha goditjet fatale.
Raundi i parë ishte njohës, me dy boksierët që më shumë ruheshin dhe studionin njëri-tjetrin. Në të dytin Pulev tentoi të befasonte me të majtën e tij të shpejtë dhe në një moment e kapi Joshua, por më parë kishte marrë disa goditje, mes tyre një nga poshtë në mjekër.
AJ got Pulev shook 😳
(via @DAZNBoxing)pic.twitter.com/lqWl7Lcgs8
— Bleacher Report (@BleacherReport) December 12, 2020
Raundi i tretë ishte spektakolar, me AJ që lëshoi një breshëri grushtesh nga Kobrës bullgare. Ky u fundit përfundoi dy herë i shtrirë, por nuk u dorëzua. Ai u çua në këmbë dhe ia doli ta vazhdonte duelin.
Jo vetëm kaq, por mori edhe raundin e katërt dhe të gjashtë, duke u munduar në çdo moment ta godasë Joshua. Ky i fundit sigurisht që e shfrytëzoi elementin gjatësi, duke e mbajtur larg 40-vjeçarin.
Britaniku në raundin e shtatë i dha disa goditje të forta Pulev, por ai vijoi të qëndronte në këmbë. Edhe raundi i tetë shkoi për Joshua, ndërkohë që në të nëntin bullgari përfundoi dy herë i shtrirë në tapet dhe herën e dytë nuk ia doli më dot. Joshua festoi dhe konfirmohet kampion bote, duke e çuar në 25 numrin e fitoreve, 22 prej tyre me KO. Për Pulev kjo ishte humbja e dytë në 30 duele. /abcnews.al
ANTHONY JOSHUA KNOCKS OUT PULEV BRUTALLY!!!! #JoshuaPulev pic.twitter.com/U2bB9XA92F
— Strictly Boxing Fans (@BoxingBritain1) December 12, 2020
