Autoritetet shëndetësore në Kosovë kanë regjistruar të premten 590 raste të reja me koronavirus, nga 1 775 testime të kryera.
Instituti Kombëtar i Shëndetit Publik (IKSHPK) ka njoftuar se brenda 24 orëve janë regjistruar 13 viktima.
Përmes një konference për media, drejtori i këtij Instituti, Naser Ramadani ka thënë se autoritetet kanë regjistruar edhe 696 raste që kanë mposhtur virusin, ndërsa raste aktive aktualisht janë 11 935.
Prej 13 marsit, kur janë regjistruar rastet e para me koronavirus në Kosovë, autoritetet shëndetësore kanë raportuar për 45 594 të prekur nga koronavirusi.
Prej tyre 1 174 pacientë kanë vdekur.
