Arrestohet në Dubai një nga emrat më të njohur të botës së krimit në Shqipëri, Palurent Dervishaj.
Ky i fundit ka qenë i shpallur në kërkim nga Gjykata e Posaçme kundër Krimit të Organizuar dhe Korrupsionit për vrasjen e Klodian Saliut në 26 shkurt 2005 dhe të biznesmit Vajdin Lame një ditë më pas.
Prokuroria e Posaçme Kundër Krimit të Organizuar dhe Korrupsionit (SPAK), ka përfunduar hetimin, ndërsa është dhënë masa e sigurisë “arrest me burg” edhe për Lulzim Berishën, Emiljano Shullazin, Indrit Taullain, Viktor Ymerin, dhe Luftar Reçin.
Dervishaj ka qenë i dënuar me burg përjetë në mungesë për vrasjen e Arsel Sotiri, Ilir Nelaj, Agim Rexhepi, Dritan Sallaku dhe Dritan Disha, por ky dënim u rrëzua në Gjykatën e Lartë dhe rigjykimi në Apelin e Krimeve të Rënda i dha atij pafajësi. Kështu ai la qelitë në vitin 2017.
Nga ajo kohë Plarent Dervishaj është në liri ndërsa më herët, në qershor të vitit 2019 ka rënë pre e një atentati me armë zjarri duke marrë një plumb në këmbë.
