“Arrest me burg” pa afat është masa e sigurisë që prokuroria ka kërkuar për efektivin e policisë Nevaldo Hajdaraj, i cili qëlloi për vdekje me armën e shërbimit 25-vjeçarin Klodian Rasha.
Kërkesa është depozituar në gjykatën e Tiranës nga prokuroria dhe nesër pritet që të caktohet masa e sigurisë ndaj efektivit. Ky i fundit akuzohet për veprën penale “Vrasje e kryer në kapërcim të kufijve të mbrojtjes së nevojshme”. “Nga hetimet paraprake është konkluduar se dyshohet se veprimet e punonjësit të Policisë N.H., bien në kundërshim me procedurat standarde të përdorimit të armëve të zjarrit. Ai nuk ka qenë në kushtet e përcaktuara në ligjin për përdorimin e armës së zjarrit, duke kapërcyer kufijtë e mbrojtjes së nevojshme”, njoftoi SHÇBA.
Vrasja
Krimi policor ndodhi rreth orës 01:45 të së Martës në Tiranë, sipas njoftimit nga autoritetet. Pas një ndjekje, një efektiv, në pamundësi për ta arritur, e qëlloi me armën e shërbimit të riun disa metra larg banesës, duke i shkarkuar vdekjen. Në njoftimin zyrtar për ngjarjen, policia deklaroi se efektivi që shkrepi armën, kujtoi se 25-vjecari që me gjasë vraponte për ti shpëtuar një gjobe për shkeljen e karantinës, “i drejtoi punonjësit të policisë një send të fortë në dukje armë zjarri”.
Megjithatë, viktima nuk rezultoi të kishte armë zjarri me vete. Autoritetet njoftuan se u gjet një pistoletë në rrugicat ku ndodhi ndjekja e të riut nga efektivi i policisë, por kurrsesi se viktimës iu gjet armë zjarri me vete. Nuk është provuar se i riu ishte i armatosur dhe aq më tepër që kërcënoi efektivin që qëlloi ndaj tij.
Protestat
Ngjarja solli reagime të shumta të politikës e shqoërisë civile. Protesta u zhvilluan në disa qytete të vendit, ndërsa ajo më masivja ishte dje në Tiranë. Nga pasditja rreth orës 16, deri rreth mesntanë të rinj kryesisht, pretuan para Ministrisë ësë Bredshme dhe kryeministrisë duke kërkuar dorëheqjen e ministrit të Brendshëm dhe kryeministirt Edi Rama.
Protesta u shoqërua përplasje fizike mes efektivëve dhe protestuesve me të plagosur nga të dyja palët. Policia arrestoi tre vetë pas protestës, ndërsa disa të tjerë u shpallën në kërkim.
