Nga BoldNews.al
Kryetari i Bashkisë së Tiranës, Erion Veliaj, në ditën që doli në media dhe kërkoi hetime për vrasjen e 25-vjeçarit Klodian Rasha, ka akorduar plot 30 milionë lekë të vjetra për të blerë fishekzjarre. Protestat e fundit për këtë ekzekutim shtetëror, por edhe situata nga pandemia, nuk e kanë penguar Lali Erin që të nisë para kohe festat e fundvitit.
Në vend që këto para të shkonin për të prekurit e pandemisë, tërmetit, madje edhe për familjen e Klodianit, Veliaj do t’i shpenzojë më ajër. Bold News ka siguruar dokumentet e një tenderi që po kryen Bashkia e Tiranës me objekt blerje fishekzjarre.
Sipas dokumenteve, Veliaj synon që të organizojë një shou për natën e ndërrimit të viteve. Në kundërshtim të hapur me këshillat e ekspertëve, por edhe rekomandimet e OBSH për fetsta e fundvitit, Lali Eri synon që të “kënaqë” kryesisht punonjësit e Bashkisë së Tiranës, pasi situata e pandemisë, por edhe ngjarjet kriminale, kanë tronditur rëndë opinionin publik.
Në dokumente thuhet se Bashkia e Tiranës ka kërkuar dhjetëra fishekzjarre për festat e fundvitit, por këto materiale të mbahen në magazinën e firmës private.
Dhjetë ditë para natës së ndërrimit të viteve, Bashkia e Tiranës synon që t’i administrojë këto fishekzjarre. Në dokumentet shoqëruese, Bashkia e Tiranës ka kërkuar që të blejë fishekzjarre në formë torte, predhash, me plasje që mund të shkojnë deri në 70.
Pra, qytetarë, gëzohuni për pandeminë dhe për vrasjen, pasi Lali Eri do të organizojë me lekët tuaja një shou të madh.
