Emri i Rudina Magjistarit është përdorur për të mashtruar disa njerëz dhe për të përfituar prej tyre dhe moderatorja ka reaguar menjëherë. Një faqe në “Facebook” ka përdorur fotot e emrin e saj dhe shkruan se do të shpërndajë para për ndjekësit.
Siç duket Rudina e ka vënë re menjëherë këtë adresë false dhe ju ka bërë thirrje ndjekësve që të mos bien pre e mashtrimeve të tilla. Ajo shprehet gjithashtu e habitur se si mund të besohen këto gjëra, pasi duket qartë se janë gënjeshtra.
“Profile fals me emrin tim në FB janë duke shpërndarë postime mashtruese, ndaj ju lutem mos i bëni like apo share. Habitem se si mund të besohen gjëra të tilla, ku mashtrimi dhe gënjeshtra është kaq ashiqare, por ja që ndodhin. Brenda mundësive do t’ju lutesha edhe ti raportonit. Faleminderit”, shkruan Magjistari.
