Forcat e Ndërhyrjes së Shpejtë përdorën gaz lotsjellës dhe sprite neutralizues kundër protestuesve që kërkojnë drejtësi për vrasjen e Klodian Rashës.
FNSH ka tentuar të shpërndajë protestuesit duke hedhur gaz lotsjellës, duke krijuar probleme te shumë qytetarë, përfshi këtu edhe motrën e viktimës, Bora Rasha, e cila i është bashkuar protestës.
Ndërkohë një grup qytetarësh duket se kanë reaguar duke goditur me sende të forta makinat e policisë, që ishin të parkuara përgjatë bulevardit.
Protesta nisi rreth orës 16:00 para Ministrisë së Brendshme dhe më pas u zhvendos para godinës së Kryeministrisë.
Pritet që në orën 22:00 të zhvillohet një tjetër protestë, po para godinës së Ministrisë së Brendshme.
