I dashuri 24-vjeçar i nënës së futbollistit Neymar, Tiago Ramos pretendoi se u godit me thikë në një restorant në vendpushimin meksikan të Kankunit.
Javën e kaluar, Ramos së bashku me Nadine Goncalves udhëtuan drejt Kankunit dhe qëndruan në një hotel me 5 yje. Ai postoi një video tronditëse në Instagram në fundjavë që tregonte gjak mbi qafë dhe gjoks ndërsa fliste për detajet e sulmit. Mbetet e paqartë nëse 24-vjeçari kontaktoi policinë për incidentin në restorant apo ishte trajtuar në spital.
Ai këmbëngulte se sulmi kishte qenë i paramenduar.
“Unë gati vdiqa për diçka që nuk e bëra. Mbërrita në restorant dhe kërkova një pjatë me mish. Unë nuk e di se çfarë ka ndodhur. Unë nuk bëra asgjë, por ata nuk më lanë të qëndroj. Kjo nuk do të qëndrojë ashtu siç është. Unë kam numrin e personit që e bëri këtë dhe do të kthehem në Meksikë.”
Kujtojmë që Ramos është 28 vjet më i ri se nëna e Neymar.
