Komiteti Teknik i Eksperteve për situatën e epidemisë në vend njoftoi këtë të Martë se nuk do të ketë masa të tjerë shtesë për parandalimin e përhapjes së koronavirusit në vend.
Ndërkohë, vijojnë të mbeten në fuqi masat e vendosura më herët, si ndalimi i lëvizjes pas orës 22:00, mbyllja e bareve dhe restoranteve pas këtij orari, etj.
Mira Rakacolli, zëvendësministre e Shëndetësisë, tha në një deklaratë për mediat se gjendja “mbetet e qëndrueshme dhe do të shohim dhe një javë tjetër nëse do të ngelim në këto masa apo do të marrim masa të tjera”.
Ajo bëri apel për respektimin e masave të vendosura deri më tani nga autoritetet.
