Bora zbardhi këtë të martë qafën e Llogorasë në Vlorë, një zonë kjo e njohur turistike edhe përgjatë stinës së dimrit.
Pati dhe një bollokim të qarkullimit, ndërsa Autoriteti Rrugor Shqiptar informoi se aksi rrugor është rikthyer në të kalueshëm, por këshilloi drejtuesit e mjeteve për kujdes të shtuar si dhe pajisjen me goma dimërore.
“Ka pasur sot në orët e para të mëngjesit reshje bore dhe breshëri në Qafën e Llogorasë. Kontraktori ka bërë pastrimin dhe shpërndarjen e kripës, rruga është e hapur dhe qarkullimi vazhdon pa problem. Drejtuesit e mjeteve, që kalojnë Llogoranë, duhet të tregohen të kujdesshëm, të ulin shpejtësinë, të respektojnë sinjalistikën, dhe të pajisen me goma dimërore”, thuhet në njoftimin e ARRSH-së.
Qarkullimi vazhdon normalisht në të gjitha rrugët e tjera kombëtare.
