Meshkujt e infektuar me COVID-19 mund të vuajnë pasoja afatgjata shëndetësore të shkaktuara nga virusi, duke përfshirë edhe mosfunksionimin erektil.
Ekspertja e sëmundjeve infektive, Dr Dena Grayson thotë se tani ekziston frika se koronavirusi mund të ndikojë në aftësinë e një burri për të kryer marrëdhënie seksuale, edhe pasi të jetë shëruar.
“Ekziston një shqetësim i vërtetë këtu që burrat mund të kenë probleme afatgjata të mosfunksionimit erektil nga ky virus, sepse ne e dimë që shkakton pasoja në vaskulaturë. Kjo është diçka që shqetëson vërtet”, tha mjekja duke folur për NBC Chicago’s LX.
Megjithëse shumica e njerëzve duket se shërohen nga COVID-19, Grayson paralajmëroi se mjekët presin të shohin më shumë “pasoja afatgjata negative të infeksionit”, me kalimin e kohës, përfshirë komplikimet neurologjike.
