Moderatorja Klea Huta, e ftuar në rubrikën “N’Fermë”, zbuloi detaje nga eksperienca si një nënë e re. Ajo tha se të qenit nënë nuk është aq e lehtë sa mund të duket për të si një person i njohur publik.
“Është mirë dhe keq, se njerëzit na shohin përherë në tv, të kuruar por që dhe ne kemi problemet tona”, tha ajo.
Pjesë nga biseda:
Ça të sollën njerëzit kur linde?
Klea: Hidhnin njerëzit lekë, por u thosha mos e bëni, pse e bëni. Edhe në rrugë kur takonim dikë e bënin.
Po për këto besëtytnitë?
Klea: Më shumë mami dhe vjehrra. Më thoshin mos dil je lehonë, u errësua futu në shtëpi. Unë sigurisht që nuk futesha. I djeg mami ndonjë çik kripë ndonjëherë, kur mendon se e kanë marrë mësysh.
Po rrobat i ke blerë të gjitha të reja?
Klea: Mami më thoshte në fillim që mos bli shumë se rritet shpejt. Kam pasur dhe që i kam marrë nga djali i hallës, shumë dhe ja kanë dhuruar.
Fëmija ta mbush shpirtin me dashuri, të rrit në përgjegjësi, kisha shumë merak. Kisha panik a do ja dal ,iku karriera. Por në fakt unë dhe Elgiti duam shumë fëmijë, duam shtëpi të madhe.
