Ka ndërruar jetë pas infektimit me Covid-19 ish-mësuesja dhe ish-pedagogia nga Vlora Dafina Brokaj. Ish-drejtoresha e Qytezës Studenti në Vlorë ishte shtruar prej disa ditësh në Tiranë, për shkak të gjendjes së rënduar me koronavirusin.
Së fundmi, e ndjera kishte punuar në institucione arsimore jo publike. Në një reagim në rrjetet sociale, Zyra Vendore e Arsimit Parauniversitar Vlorë-Himarë shkruan: “Respekt e mirënjohje për mësuesen dhe drejtoreshën e palodhur, zonjën DAFINA BROKAJ! Sot covid na shenjoi përsëri me një humbje që dhemb. I paharruar kujtimi i saj dhe u prehtë në paqe! Një profesioniste e shkëlqyer, model i qytetarisë, kolege e respektuar, nënë vetëmohuese, një grua e fortë dhe e rrallë që i dha këtij qyteti një kontribut mbi 40-vjeçar në fushën e arsimit. Do të na mungojë! Respekte dhe ngushëllime familjes!”
