Joe Biden tashmë i ka 270 votat e nevojshme në Kolegj për t’u zgjedhur President i Shteteve të Bashkuara në votimin e 14 Dhjetorit. Kalifronia, shteti federal me më shumë vota kolegjiale certifikoi fitoren e kandidatit demokrat.
Ky shtet dërgon 55 delegatë në Kolegj dhe Biden tashmë ka një mbështetje prej 279 votash, 18 vota mbi minimumin e nevojshëm për t’u zgjedhur në krye të Shtëpisë së Bardhë.
Mbeten për t’u certifikuar rezultatet edhe në 5 shtete federale amerikane, Kolorado, Misuri, Virxhinian Perëndimore, Nju Xhersi dhe Hauai. Rezultati përfundimtar i mbështetjes në Kolegj pritet të jetë 306 vota për Biden dhe 232 për Trump.
Edhe pse Trump nuk heq dorë nga betejat ligjore, gjykatat federale vijojnë t’i hedhin poshtë ankimimet e tij për manipulime me votat.
Rasti më i fundit ishte ai i Uiskonsinit, ndërsa pritet që padia e radhës të ngrihet në Xhorxhia ku Trump pretendon për 100 mijë vota të parregullta.
Ndërsa planet e Biden kanë arritur deri tek ceremonia e 20 Janarit për marrjen e presidencës, që pritet të jetë tepër e kufizuar për shkak të pandemisë.
