Pasditja e sotme në Tiranë shënoi një incident të lehtë në sheshin “Skënderbej”. Ka mjaftuar një erë, që nuk ishte edhe aq e fortë, por e mjaftueshme për të rrëzuar pemën dekorative të Krishtlindjeve dhe të Vitit të Ri.
Fatmirësisht kur është rrëzuar pema e vendosur nga bashkia, nuk ka pasur fëmijë duke luajtur aty pranë.
Siç shihet edhe nga pamjet, punonjësit e bashkisë janë afruar menjëherë dhe kanë nisur punën për ngritjen e pemës.
Ndërkohë, kujtojmë se moti këtë javë nuk premton dhe erërat mund të jenë edhe më të forta.
