Dy golat në pjesën e pare të realizuar nga Immobile dhe Milinkoviç Savic i dhuruan fitoren Lazios në fushën e Spezias.
1-2 u mbyll takimi, me ekipin e Simone Inzaghit që rikthehet te fitorja pas humbjes 1-3 ndaj Udineses në shtëpi.
Ciro Immobile zhbllokoi ndeshjen në minutën e 15-të, teksa bardhekaltrit dyfishuan rezultatin në minutën e 33-të. Goditje dënimi dhe ekzekutim mjeshtëror i Sergej Milinkovic-Savic.
Në pjesën e dytë vendasit rihapën takimin në minutën e 64-t. M’Bala Nzola realizoi një gol shumë të bukur, por Lazio menaxhoi minutat e mbetura dhe siguroi tre pikë të rëndësishme.
Me këtë rezultat Lazio renditet në vendin e shtatë me 17 pikë, që gjendet gjashtë pikë poshtë Milanit kryesues.
