Rovena Stefa, e ftuar në “Glamour Zone,” zbuloi çmendurinë më të madhe që një fans ka bërë për të. Këngëtarja tha se fansi i dehur i shkoi me armë në dorë në një koncert.
Sipas saj, u desh ndërhyrja e sigurimit që ai ta linte të qetë, dhe pranoi se djali është dhunuar më pas fizikisht nga truprojat e saj.
“Ka qenë në Suedi, një shqiptar i fiksuar. Kam qenë në prapaskenë me dy këngëtarë të tjerë dhe sigurimin, dhe ai ka gjetur një mënyrë dhe ka ardhur aty mbrapa (në prapaskenë) dhe kishte armë me vete. Më tha: ‘O do vish me mua o s’ka…’ Ishte problem, sepse ai ishte i dehur, dhe kishte armë. Por më pas e kanë marrë, dhe ka ngrënë një drru të mirë (qesh),”- rrëfeu këngëtarja.
