Mediat braziliane kanë publikuar pamje nga ekzekutimi i shqiptarit, Ilir Zelka.
47-vjeçari ishte ulur në një restorant në Brazil, kur vrasësi i veshur me rozë afrohet dhe e qëllon brenda në lokal. Shqiptari shihet teksa zvarritet për të shpëtuar.
Në video shihen edhe punonjësit e restorantit të terrorizuar.
Krimi ndodhi rreth orës 11:00. Sipas policisë, autori i krimit braktisi motoçikletën me të cilën u largua dhe ndërroi edhe rrobat. Ai qëlloi të paktën katër herë mbi viktimën. Shqiptari ndërroi jetë në spital.
Policia mendon se është një ekzekutim i pastër. Pas publikimit të pamjeve, policia kërkon ndihmë për identifikimin e autorit. Sipas tyre, shqiptari i ndërronte çdo ditë dhomat e hoteleve, çka të bën të mendosh se e dinte se po e ndiqnin.
Shqiptari njihej edhe si biznesmen pasi kishte një kompani në Çeki.
