Detaje të reja mësohen lidhur me atentatin e ndodhur mbrëmjen e djeshme, në Fushë-Dukat të Vlorës.
Sipas një rindërtimi paraprak të ngjarjes nga policia, 27-vjeçari Benjamin Bozhani, nën drejtimin e një automjeti tip “Benz”, po hynte në fshatin Dukat. Dyshohet se në fund të rrugicës, ka parë që i është bërë pritë ka lëvizur indietro me mjet. Ndërkohë, është qëlluar në drejtim të tij.
Pa dalë nga rrugica, ka humbur kontrollin dhe ka përfunduar në kanal. Aty, autorët i janë afruar dhe kanë qëlluar sërish në drejtim të tij duke e lënë të vdekur.
Policia po heton mbi të shkuarën e viktimës në Itali, por edhe për ndonjë konflikt në Shqipëri. Nga hetimet e para, në vendin tonë, i riu rezulton pa precedent penal. Në Dukat, familja e tij njihet si e qetë, ndërsa i ati i 27-vjeçarit punon në administratën e njësisë Administrative.
