Kosova ka raportuar më shumë të shëruar se raste të reja me koronavirus, në 24 orët e fundit. Jetët e humbura u shënuan 11.
Instituti Kombëtar i Shëndetësisë Publike të Kosovës njoftoi se nga 1 219 testime, kanë rezultuar 539 raste pozitive.
Gjatë 24 orëve të fundit, janë shëruar 574 pacientë, ndërsa numri i përgjithshëm i të shëruarve deri më sot është gjithsej 25 001.
Numri i rasteve aktive është 13 579.
Numri total i rasteve pozitive është 39 596 dhe 1 016 raste të vdekjes.
Këtë të Hënë, u shënua një ulje e rasteve të reja me Covid në Kosovë krahasuar me shifrat e javës së kaluar, kur çdo ditë, u raportua për mbi 600 apo 700 raste të reja.
