Shtetet e Bashkuara mund të shohin “rritje të madhe” të rasteve të reja me Covid-19. Ky ka qenë paralajmërimi i Dr. Anthony Fauci, pas festimeve të Festës së Falënderimeve javën e kaluar.
Në një intervistë për një media amerikane, Fauci tha se nuk ishte “vonë” për të ndihmuar në frenimin e virusit duke mbajtur maska dhe duke ruajtur distancën.
“E sigurt se do të ketë një rritje të re të rasteve për shkak të asaj që ka ndodhur me udhëtimet javën e kaluar“, tha Dr Fauci.
Falënderimet shënuan edhe ditët më të ngarkuara muajt e fundit për udhëtime në SHBA, edhe pse ishte relativisht i vogël me vitin e kaluar ku 26 milion amerikanë udhëtuan për të qenë afër familjeve të tyre.
Ekspertët shëndetësorë kishin bërë thirrje që njerëzit të kalonin Falënderimet në shtëpi, por këtë javë aeroportet e SHBA shënuan periudhën e tyre më të ngarkuar që nga mesi i Marsit.
SHBA ka regjistruar më shumë se 13 milion raste me koronavirus dhe më shumë se 266,000 njerëz kanë humbur jetën që nga fillimi i pandemisë. Që nga e diela, numri i rasteve të reja me Covid-19 të regjistruara në nëntor ka tejkaluar katër milion, dyfishin e shifrës së regjistruar në tetor.
