Aktori i famshëm, Sean Connery ndërroi jetë më 31 tetor. Legjenda e James Bond vdiq në moshën 90-vjeçare në Bahamas pasi ishte sëmurë për “disa kohë”.
Së fundmi kanë dalë detaje të reja rreth vdekjes së tij. Ditën e sotme u raportua se Sean është ndarë nga jeta në gjumë nga pneumonia dhe sulm në zemër.
TMZ shkruan se certifikata e vdekjes së aktorit ka treguar se ai vdiq nga vështirësia në frymëmarrje si rezultat i pneumonisë, moshës së madhe dhe fibrilacionit atrial – rrahje të parregullta të zemrës. Gjithashtu në dokument thuhet se ylli i fituesit të “Oscar” ka ndërruar jetë në orën 1.30 të datës 31 tetor të 2020-s në shtëpinë e tij.
Ndërkohë kujtojmë se pas vdekjes së tij, mijëra njerëz i bënë homazhe aktorit me famë botërore.
