Italia vijon të raportojë shifra alarmante të viktimave nga COVID, edhe pse krahasur me dje ka një rënie të ndjeshme.
Sipas autoriteteve, gjatë 24 orëve të fundit në vendin fqinj janë regjistruar 686 viktima, nga 827 që ishin të premten. Që nga nisja e pandemisë në vendin fqinj virusi vdekjeprurës iu ka marrë jetën më shumë se 54 mijë persona.
Italia regjistroi 26.323 raste të reja me koronavirus në 24 orët e fundit nga 225 mijë tamponë të kryerë në të gjithë vendin.
Lajmi i mirë vijon të vijë nga spitalet, ku vazhdon trendi në ulje i personave në terapi intensive dhe i atyre të shtruar në repartet e tjera.
Rajoni më i goditur vijon të jetë Lombardia, e cila dhe në 24 orët e fundit raportoi më shumë se 4600 raste të reja.
