Zbardhen detaje të reja nga djegia gjatë natës e automjetit në Krujë, në pronësi të një 20 vjeçari. Ngjarja ndodhi vendin e quajtur “Ura e Gjolës”, ndërsa automjeti ishte i parkuar në oborrin e banesës private.
I ati i 20-vjeçarit, Gani Demnushi ka thënë se dëgjuan një shpërthim dhe u trembën. Po ashtu, ai ka theksuar se nuk ka konflikte me askënd dhe nuk e di kush mund ta ketë bërë.
“Kur dolëm jashtë pamë makinën që po digjej, u munduam ta shuajmë, ndërkohë njoftuam edhe policinë, e cila erdhi menjëherë. Nuk kam konflikte me askënd nuk e di se kush ma bëri këtë, unë shikoj punën time”, është shprehur ai për gazetarët.
Ndërkohë, policia, e cila ka nisur hetimet për zbardhjen e plotë të ngjarjes, thotë se lënda plasëse në mjetin tip “Golf” ka qenë në mënyre artizanale.
