Këngëtarja me origjinë shqiptare, Rita Ora feston 30-vjetorin e lindjes. Në këtë ditë të veçantë për të, ajo ka marrë shumë urime nga miqtë, familjarët dhe miliona fansa të saj.
Urimi që mori më shumë vëmendjes ishte i nënës së saj, Vera Orës, e cila shkroi se kur emigruan drejt Britanisë nuk kishin asgjë, por arritën t’ia dilnin mbanë dhe këngëtarja u kthye në një shembull për shumë vajza të reja.
“Mami nuk kishte asgjë kur mbërritëm në Britaninë e Madhe, nuk mund të flisja gjuhën dhe kisha vetëm familjen time. Kualifikime në mjekësi por jo punë. Pavarësisht çdo lloj vështirësie që jeta na përballi, ne ia dolëm dhe ti shkëlqeve. Ti u bërë shembull për shumë vajza të reja duke i treguar se ëndrrat mund të bëhen realitet duke punuar shumë dhe me vendosmëri. Të dua shumë dhe të uroj gëzuar ditëlindjen, Rita Pita! Urime ditëlindjen Nana,”- shkroi Vera Ora, duke e shoqëruar postimin me një foto të Ritës kur ishte e vogël.
