Presidenti i Napolit, De Laurentiis thotë se mund ta emërojnë stadiumin “Diego Maradona”
Presidenti i Napolit, Aurelio De Laurentiis pranon që stadiumi i Napolit mund të quhet Diego Armando Maradona, pas vdekjes së legjendës argjentinase.
Ish-legjenda e Napolit vdiq sot (e mërkurë) në moshën 60-vjeçare pas një sulmi në zemër në shtëpinë e tij në Buenos Aires.
Pas vdekjes, shumë klube dhe emra të njohur shprehen ngushëllimet dhe nderimet për Maradonën.
Tani ka folur edhe presidenti i Napolit, De Laurentiis, i cili ka thënë se mund t’ia ndërrojë emrin stadiumit San Paolo në nder të legjendës argjentinase.
“Unë do të doja të projektoja fytyrën e Maradonës në stadium gjatë gjithë lojës së nesërme”, ka thënë fillimisht tha De Laurentiis për RMC Sport.
Skuadra e Rino Gattusos do të përballet me Rijekan nesër (e enjte) në San Paolo.
“Mund të jetë një ide për të emëruar stadiumin San Paolo-Maradona, është diçka për të cilën mund të mendojmë”, përfundoi presidenti i Napolit.
https://twitter.com/FabrizioRomano/status/1331659588458983427?ref_src=twsrc%5Etfw%7Ctwcamp%5Etweetembed%7Ctwterm%5E1331659588458983427%7Ctwgr%5E%7Ctwcon%5Es1_&ref_url=https%3A%2F%2Ftelegrafi.com%2Fpresidenti-napolit-de-laurentiis-thote-se-mund-ta-emerojne-stadiumin-diego-maradona%2F
