Kryeministri Edi Rama, në një konferencë për mediat, ka bërë me dije se shkollat nuk do të mbyllen, për sa kohë ky nuk është një sugjerim apo vendim i autoriteteve shëndetësore.
Rama deklaroi se situata po vlerësohet në mënyrë maksimale dhe rezulton se shkollat nuk janë vatra të infeksionit.
“Ka një zë të përsëritur për mbylljen e shkollave. Duya ta theksoj edhe njëherë se çfarë hapet dhe çfarë mbyllet është përgjegjësi e autoriteteve tona shëndetësore që kanë ekspertizën dhe autoritetin për të marrë vendime të tilla. Thënë kjo sipas të gjitha të dhënave dhe duke ndjekur të gjithë studimet e autoriteteve shkencore në të gjithë botën, shkollat nuk konsiderohen një vatër e nxehtë, por si një hapësirë që kanë pontecialin e tyre të rrezikut. Është e rëndësishme që të zbatohen masat rigorozisht të gjitha masat siç po zbatohen deri tani. Është një vendimmarrje e autoriteteve që të marrin këtë vendim. Unë jam i vetëdijshëm për këtë sfidë, por ajo që është kryesorja është që të gjithë të bëjnë punën e tyre”, u shpreh Rama.
