Aktori i njohur Will SMith ka bërë një rrëfik prekës për të kaluarën e tij. Ai tha se rritja në një shtëpi abuzive e bëri të zhvillojë mekanizma mbrojtës jo të shëndetshëm, që ndikuan në jetën personale dhe në karrierën profesionale, raporton “Yahoo”.
“Babai im ishte i dhunshëm në shtëpi , kështu që një pjesë e tërë krijimit të Will Smith-it: shakatë, argëtimi, marrëzia, ishin për t’u siguruar që babai im ishte i kënaqur, aq sa të mos lëndonte nënën time, ose askënd tjetër në shtëpi.Unë interpretoja, kërceja dhe bëja shaka, ndërkohë që njerëzit që argëtoheshin, ishin mekanizmi im mbrojtës”- rrëfeu Smith.
Në të njëjtën kohë, ai u rrit duke besuar se nëse i lëndonte njerëzit i pari, ata nuk mund ta lëndonin atë.
“Unë e kuptoj që ana tjetër e saj ishte, nëse do të të lëndoja mjaft keq, nuk do të ishe në gjendje të më përgjigjeshe”.
Plagët e fëmijërisë së Smith ndikuan edhe në marrëdhëniet e tij me gratë. Ai e quajti keqtrajtimin ndaj një gruaje si “dhimbjen më të madhe në jetë”.
“Unë mendoj se për shkak të ngjarjeve me nënën time, si një djalë i vogël, kur babai im e rrihte dhe unë nuk mund ta mbroja atë… Keqtrajtimi i femrave është i padurueshëm dhe trupi im nuk mund ta tolerojë atë”,– tha aktori.
Smith foli edhe për ndarjen dhe për marrëdhënien me vajzën e tij.
“Kjo është absolutisht plaga ime kryesore. Në tre vitet e fundit, unë po përballem me të në mënyrë të vazhdueshme. Është e vetmja marrëdhënie me një grua, që unë nuk e kam prishur kurrë. Jam i sigurtë që Willow tani do të më thoshte: ‘Jo, ti ke gabuar në disa gjëra’, por në mendjen time, unë kam bërë më të mirën për të”- tha ai.
