Ekstradohet nga Shqipëria drejt Italisë Bujar Sejdinaj, i njohur edhe me nofkën “xhaxhai”.
Gjykata e Tiranës vendosi në Tetor ekstradimin në Itali të Sejdinajt, i kërkuar nga autoritet e vendit fqinje.
Sejdinaj, i njohur me nofkën “xhaxhai”, u arrestua në muajin korrik, në kuadër të operacionit të koduar “Magma 2020”. Operacion që u zhvillua në disa shtete dhe vuri në pranga persona të lidhur me organizatën mafioze italiane “Ndrangheta”.
“Në kuadër të këtij operacioni, nga Interpol Tirana, në bashkëpunim DVP Tiranë dhe me mbështetjen e FAST ALBANIA, në koordinim nga Departamenti i Policisë Kriminale, u kap dhe u arrestua me qëllim ekstradimi, shtetasi Bujar Sejdinaj, i quajtur ‘Xhaxhai’, përfaqësuesi i Ndrangheta-s në Shqipëri dhe në zonën e Ballkanit dhe në veçanti përfaqësuesi i familjes mafioze ‘Bellocco’. Shtetasi Bujar Sejdinaj ka marrë pjesë në blerjen e rreth 20 kg kokainë në Spanjë”, njoftoi asokohe policia.
