Pronari i një lokali në Elbasan dhe një tjetër person janë arrestuar pasi akuzohen se organizonin lojëra fati.
“Specialistët për Hetimin e Krimit në Komisariatin e Policisë Elbasan arrestuan në flagrancë, për veprat penale ‘Organizimi i lotarive të palejuara’ dhe ‘Vënia në dispozicion e lokaleve për lojëra të palejuara’, shtetasit S. Ç., 23 vjeç dhe R. K., 37 vjeç, banues në Elbasan. Arrestimi i tyre u bë pasi në ambientet e lokalit në pronësi të shtetasit R. K., në bashkëpunim me njëri-tjetrin ushtronin aktivitetin e kundërligjshëm të lojërave të fatit. Gjatë kontrollit të ushtruar në ambientet e lokalit u gjetën dhe u sekuestruan në cilësinë e provës materiale, një aparat celular dhe një kompjuter me faqe sportive të hapura, ku ishin të vendosura biletat me ndeshje”, njoftoi policia.
