Një 41-vjeçar është arrestuar nga policia në Tiranë pasi ka kërcënuar bashkëshorten se do ta vriste.
Në pranga është vënë Ç. M., 41-vjeç, i dënuar më parë për veprën penale “Dhuna në familje”.
Burime zyrtare nga policia njoftuan se shërbimet e Komisariatit të Nr.6, pas njoftimit të marrë se në Yrshek, në ambientet e banesës, shtetasi Ç. M. kishte shkelur urdhrin e mbrojtjes të vendosur nga Gjykata për bashkëshorten e tij dhe po ushtronte dhunë fizike dhe psikologjike ndaj saj, si dhe po e kërcënonte atë me thikë, menjëherë kanë shkuar në adresën e dhënë.
Shërbimet e Policisë kanë prangosur shtetasin Ç.M., 41 vjeç, si dhe kanë sekuestruar në cilësinë e provës materiale mjetin prerës (thikë), me të cilën ky shtetas e kërcënonte për ta vrarë bashkëshorten e tij.
Materialet i kalojnë Prokurorisë pranë Gjykatës së Shkallës së Parë Tiranë, për veprime të mëtejshme, njoftoi policia.
