Ashtu siç raportojnë mediat gjermane, Joachim Low do të vazhdojë të jetë trajner i Gjermanisë në të ardhmen afatshkurtër.
Por gjithsesi opinioni sportiv në Gjermani zien dhe një ndryshim kursi nuk mund të përjashtohet dhe Low mund të largohet nga Gjermania pas 14 vitesh si trajner.
Duke parë këtë situatë, mediat kanë evidentuar edhe 4 trajnerët të cilët mund të zënë postin e tij. Jurgen Klopp i Liverpool-it, Thomas Tuchel i PSG-së, Julian Nagelsman me Leipzig dhe Hansi Flik me Bajernin e Mynih, janë katër emrat më të përfolur.
Për të shkuar te Klopp apo Flick, ndoshta duhet të presim edhe pak, ndërsa objektivat më të arritshëm janë Nagelsman dhe Tuchel. Të dy trajnerë me vizion të ri për lojën, me eksperiencë brenda dhe jashtë Gjermanisë. Edhe pse Nagelsman ende nuk ka punuar jashtë Bundesligës, paraqitjet e tij me Lajpcigun në Champions kanë qenë mbresëlënëse.
Të gjithë do të mirëprisnin një frymë të re në kombëtare, një trajner që guxon, rrezikon dhe kërkon më shumë nga skuadra. Një trajner që merr përgjegjësitë, një trajner që është ndryshe nga Low, të cilin të gjithë e duan të larguar.
