Është ndarë nga jeta në moshën 82-vjeçare ish-kampion i boksit Ramiz Reka.
Ai ka ndërruar jetë në spitalin ‘Shefqet Ndroqi’ pasi ishte infektuar me COVID-19.
Ramiz Reka lindi më 17 janar 1938 në Durrës. Ai e ka nisur karrierën e tij sportive në qytetin e tij të lindjes dhe më pas e vazhdoi në Klubin e Partizanit, ku u shpall tre herë kampion i Shqipërisë në vitet 1961, 1962 dhe 1963.
Reka njihet si boksier i spikatur dhe personalitet i sportit shqiptar. “Mjeshtëri i Sportit” dhe mbajtësi i shumë medaljeve dhe dekoratave, Reka, ka një kontribut të çmuar edhe në fushën akademike, pasi ka botuar disa libra për boksin, duke u ardhur në ndihmë të rinjve të mësojnë bazat e boksit dhe të ngrenë një karrierë të suksesshme në këtë sport.
