Këngëtarja e famshme me origjinë shqiptare, Rita Ora, ka një pasuri marramendëse. Sipas “The Sun”, vetëm me 2 albume me disa këngë që kanë qenë on top, Rita ka arritur një pasuri prej 20 milionë paundësh.
Si pasojë, Ora shumë shpejt mund të zërë vendin e artisteve femra më të pasura në botë. “The Sun” shkruan në shkrimin e saj se shqiptarja nuk është mbështetur vetëm tek muzika, por ka shfrytëzuar famën e saj për të bërë para përmes fushatave reklamuese.
“Rita ka shkopin magjik kur vjen puna tek admirimi i publikut. Ajo është seksi, shumë e qeshur dhe përshtatet shumë lehtë. Nuk janë vetëm fansat që e ndjekin, por edhe njerëzit që nuk do i dëgjonin këngët e saj. Ajo ka pamjen e një modeleje pa pasur ato masa që kanë modelet dhe reklamuesve ju pëlqen shumë kjo gjë”, kanë thënë disa burime.
Vetëm një ditë më parë u zbulua se këngëtarja e famshme ka nënshkruar edhe një marrëveshje tjetër të madhe, këtë herë me JD Sports, për të zhvilluar fushatën e saj të Krishtlindjes. Sipas mediave të huaja, kjo kontratë i jep asaj një shumë prej gjashtë shifrash.
