Partizani vijon nga puna për sfidën e javës së 3-të të Kategorisë Superiore. Të kuqtë do përballen ndaj Laçit ditën e shtunë me sfidën që do të luhet në “Elbasan Arena” në orën 16:45.
Jasir Asani mund të jetë një nga mungesat e Partizanit për këtë ndeshje pasi sulmuesi vuan nga një tërheqje muskulare dhe është në garë me kohën për t’u rikuperuar.
Nuk është vendosur ende përfundimisht nëse Asani do të mungojë apo do të jetë në fushë ndaj kurbinasve, por një gjë e tillë do të zbulohet në ditët në vijim.
Një lajm i mirë për trajnerin Daja është rikuperimi nga dëmtimi i William Corderio Melo.
Braziliani ka lënë pas dëmtimin dhe do të jetë në fushë ndaj Laçit, ndërsa në stërvitje me skuadrën është bashkuar edhe Esat Mala që ishte grumbulluar nga Kombëtarja U-21.
