Aktori 59-vjeçar, George Clooney, kishte dhuruar nga një milion euro për 14 shokët e ngushtë në vitin 2013. Deri më sot kjo ishte thjesht një deklaratë e pakonfirmuar por së fundmi, vetë aktori, e ka pranuar dhe ka treguar arsyet që e shtynë të bëjë këtë gjë.
“Kur nuk kisha një familje timen, kisha këta miq, të cilët, në një periudhë prej 35 vitesh, më kanë ndihmuar në një mënyrë apo një tjetër. Mendova se pa ta, nuk do të kisha gjithçka që kam sot”, është shprehur ai.
Mes tjerash George shtoi: “Duke qenë se i kam miq të ngushtë, unë kisha vendosur që do të ishin në testamentin tim nëse do të më përplaste një ditë autobusi. Kështu që, pse të prisja të më përplaste autobusi për t’ia dhënë paratë? Prandaj vendosa që t’ia jap menjëherë nga 1 milion dollarë secilit.
Isha beqar. Të gjithë ne po plakeshim. Unë isha 52 vjeç dhe shumica e miqve të mi ishin më të vjetër se unë.”
