Edhe Organizata Botërore e Shëndetësisë nuk i ka shpëtuar infektimit me COVID-19. Deri më tani numri i të prekurve ka shkuar në 65, por frika është e madhe se numri do të shtohet.
Nga autoritetet lokale në Gjenevë, po merren që të gjitha masat që të parandalohet shtimi i të prekurve.
Euronews raporton se në mesin e të prekurve nga virusi janë edhe pesë persona që punonin në ambiente dhe ishin në kontakt me njëri-tjetrin.
Lajmi u zbulua pas një emaili sekret të institucionit, por që informacioni rrodhi. Kjo detyroi OBSH ta pranonte situatën.
Agjencia shëndetësore e OKB-së tha se po heton se si dhe ku u infektuan pesë personat.
“Për njohuritë e mia, grupi që po hetohet është prova e parë e transmetimit të mundshëm në hapësirat e OBSH-së”, ka thënë Dr. Michael Ryan, shefi i agjencisë i emergjencës, të hënën në një konferencë shtypi në OBSH.
Në email thuhej se rreth gjysma e infeksioneve të regjistruara deri më tani ishin te njerëzit që kishin punuar nga shtëpia.
Ndërsa 32 ishin nga stafi që kishin punuar në ambientet në ndërtesën e selisë, ku zakonisht punojnë më shumë se 2,000 njerëz dhe agjencia thotë se ka vendosur higjienë të rreptë dhe masa të tjera parandaluese.
Ajo që shqetëson është fakti se si kontrolli bazë i infeksionit dhe procedurat e distancës sociale mund të jenë thyer, pikërisht në institucionin që drejton luftën ndaj pandemisë globale.
