Klubi i Besës së Kavajës prej disa vitesh garon në Kategorinë e Parë dhe për të mos mjaftuar kjo, verdhezinjtë as nuk mund të luajnë në stadiumin e tyre.
Shkak për këtë është bërë degradimi i tij. Stadiumi “Besa” aktualisht është në gjendje të mjerueshme duke mos plotësuar asnjë kriter të nevojshëm për tu liçensuar.
Tashmë online kanë rrjedhur foto të ndryshme që tregojnë gjendjen e mjerueshme. Së fundmi në rrjetet sociale shfaqet një foto që tregon se si stadiumi “Besa” është kthyer në një kullotë.
Nëse kthehemi disa vite më pas, ish-kryebashkiaku Elvis Roshi premtonte një stadium modern për Besën dhe qytetin e Kavajës. Një projekt-ide e bërë publike, por që kurrë nuk u realizua.
