Barack Obama nuk do të jetë pjesë e kabinetit të presidentit të zgjedhur edhe nëse atij do ti propozohej një gjë e tillë.
“Ka disa gjëra që unë nuk do ti bëja, sepse Michelle nuk do të më lejonte,“ tha Barack Obama për bashkëshorten.
Presidenti i 44-të e dha deklaratën në CBS Sunday Morning, dy ditë përpara botimit të kujtimeve të tij.
Ish-Presidenti Barack Obama tha se rezultatet e zgjedhjeve, ku dy kandidatët marrin më shumë se 70 milionë vota secili, tregojnë se kombi është akoma i përçarë, gjë që nuk është një shenjë e mirë për demokracinë.
I pyetur se si do ta ndihmojë Biden kur ai të marrë detyrën në janar, ai tha se Biden nuk ka nevojë për këshillën e tij.
“Unë do ta ndihmoj në çdo mënyrë të mundshme. Nuk e kam ndërmend të filloj papritmas të punoj si një anëtar i kabinetit të Shtëpisë së Bardhë ose diçka si kjo”, shtoi ai.
Obama dhe Biden, më shumë se bashkëpunëtorë kanë qënë dhe vazhdojnë të jenë miq.
