Ka ndërruar jetë ditën e sotme legjenda e Korabit, Albert Kaba. Ish-lojtari i dibranëve ishte infektuar me coronavirus dhe nuk ia ka dalë dot të fitojë betejën me këtë virus vdekjeprurës.
Lajmin e ka njoftuar vetë klubi i Korabit, të cilët shkruajnë se Berti, siç e quajnë atje, do të mbahet mend si një ikonë e futbollit dibran, pasi është gjendur gjithmonë pranë skuadrave të vendlindjes duke dhënë kontributin e tij në të gjithë mënyrat.
“BoldNews.al” i shpreh ngushëllime familjes Kaba në këtë moment të vështirë për ta, pas humbjes së njeriut të tyre të dashur.
