Joan Mir është kampioni i ri i Botës në Moto Gp. Spanjolli nuk e fitoi mesditën e sotme çmimin e madh të Valencias, por u shpall për herë të parë në karrierë kampion bote në elitën e garave me motorë.
Franco Morbidelli fitoi garën e sotme, ndërsa Mir përfundoi i shtati, por kaq i mjaftoi të krijonte diferencës e duhur për të bërë të tijin titullin kampion bote.
Gara e fundit e tij në Portugali do të jetë thjesht për të festuar titullin. Një çmim, që vjen si asist nga Marc Marquez, i cili u dëmtua në fillim të sezonit dhe e pati të pamundur të ishte i pranishëm në këtë kampionat.
Sa për garën e sotme në fund ishte një duel shumë i bukur mes Miller dhe Morbidelli, por në fund italiani triumfoi. Në vendin e tretë u rendit Espargaro.
