Laçi ka vuajtur por është kualifikuar për në raundin tjetër të Kupës së Shqipërisë. Bardhezinjtë kanë marrë një fitore 3-1 ndaj Egnatias, por janë detyruar të luajnë dhe minutat shtesë të ndeshjes.
Sfida nisi më mirë për rrogozhinasit që gjetën golin në minutën e 25′. Jackson mposhti kurbinasit dhe e çoi ekipin e tij me fitore në pjesën e parë.
Kurbinasit u munduan të barazonin, por nuk ishin shumë të qartë përpara porte. Duhej të vinte minuta e 85′ që të barazohej rezultati nga Teco. Braziliani çoi topin në rrjetë për 1-1.
Minutat shtesë u dominuan nga Laçi që shënoi fillimisht me Kiri Nwabuezen për 2-1. Sulmuesi shënoi nga një penallti, ndërsa në fundin e lojës ishte po amerikani që gjeti dhe golin e dytë personal dhe të tretin për ekipin e tij.
