Një i ri është vënë në pranga nga policia e Shijakut i akuzuar për veprat penale “Kundërshtimi i punonjësit të policisë”, “Prishja e rendit dhe qetësisë publike” dhe “Drejtimi i automjeteve në mënyrë të parregullt”.
Burime zyrtare sqaruan se R.D., 24 vjeç, banues në Maminas, rreth orës 20:00, të ditës së djeshme, pas një konflikti familjar, në vendin e quajtur “Liqeni i Karpenit, ka qëlluar në ajër me pushkë, të cilën e dispononte me lejen e organeve kompetente.
Në vendngjarje janë afruar shëbimet e Policisë dhe pas thirrjes për dorëzim shtetasi R.D. nuk i është bindur urdhrit të Policisë dhe me armën në dorë i ka kanosur ata.
Në vijim të veprimeve rezultoi se ky shtetas kishte drejtuar mjetin në gjendje të dehur në masën 0.90 mg/l.
