Kosova ka shënuar 963 raste të reja më COVID-19, numër ky rekord që nga shpërthimi i pandemisë në mars të këtij viti. Instituti Kombëtar Shëndetit Publik ka njoftuar se ky numër të infektuarv ka dalë nga 2 056 testime.
Brenda 24 orëve të fundit janë raportuar edhe 13 raste të vdekjes, ndërkaq 177 pacientë kanë fituar betejën më koronavirus.
Në Kosovë janë testuar gjithsejt 115 794 persona, nga të cilët pozitiv kanë rezultuar 27 851. Ndërkaq, 797 persona kanë vdekur si pasojë e infektimit me COVID-19.
10 mijë 192 persona vazhdojnë të jenë të infektuar me këtë virus.
Ndërkohë, Qeveria e Kosovës ka miratuar të enjten masa të reja për parandalimin e përhapjes së COVID-19, të cilat do të hyjnë në fuqi të premten në ora 18:00.
