Një ditë para se të festonte ditëlindjen e saj të 16-të, një vajzë në Britani ka bërë vetëvrasje, kur mësoi se burri i cili e kishte përdhunuar kishte lënë shtatzënë një vajzë tjetër.
Viktima është adoleshentja Xhorxhia Myers dhe u gjet e vdekur afër shtëpisë së saj, në Leeds.
Ajo ishte vetëm 14 vjeç, kur 32-vjeçari, tashmë ish-kunati i saj, me të cilin motra e viktimës kishte dy fëmijë, Michael Jenkins filloi të abuzonte seksualisht me të. Ngjarja e rëndë ka ndodhur në prill 2017.
Jenkins pranoi të kishte një lidhje me 16-vjeçaren në gjykatën e Leeds këtë javë, ku ai u deklarua fajtor për tre akuza të abuzimit seksual të një të mituri, nga 1 Prill 2017 deri më 28 Shkurt 2018.
Nëna 38-vjeçare e vajzës fatkeqe i tha gjykatës se si Jenkins u takua për herë të parë me vajzën e saj kur ajo ishte nëntë vjeç. Ai filloi ta vizitonte vajzën në shtëpinë e saj në 2016, kohë kur edhe u divorcua nga motra e saj.
“Ne i besuam atij, pasi Xhorxhia ishte tezja e fëmijëve të tij”, theksoi nëna e viktimës.
“Marrëdhënia” e tyre filloi në Prill 2017, kur nëna e 16-vjeçares vuri re disa ndryshime në sjelljen e saj.
“Unë thjesht mendova se ishin të vështira luhatjet e periudhës së adoleshencës”, tha ajo në një deklaratë.
Abuzimi i saj vazhdoi për 11 muaj, derisa Xhorxhia kërkoi nga Jenkins të zbulonte “marrëdhënien” e tyre me të gjithë . Kur ai nuk pranoi, ajo i tregoi motrës së saj për marrëdhëniet e saj me të.
Motra e Xhorxhias menjëherë informoi nënën e saj dhe i kërkoi asaj të thërriste policinë në Prill 2018. Nëna 38-vjeçare u trondit kur mësoi detajet e çështjes, ndërsa pa që vajza e saj e vogël ishte “lehtësuar” nga arrestimi i 32-vjeçarit dhe dukej e gatshme, për të rifilluar jetën e saj.
E gjithë kjo, megjithatë, zgjati për disa muaj, pasi të dy filluan të kishin një lidhje përsëri. Tre ditë para ditëlindjes së saj të 16-të, Jenkins telefonoiXhorxhian për ta njoftuar se kishte lënë shtatzënë një vajzë tjetër. Kjo, me sa duket, ishte “goditja” fatale për psikologjinë e 16-vjeçares, duke e bërë që të merrte edhe vendimin ekstrem.
